Mot slutten av UM søndagen var det 1000 m stafett på programmet. Dimna IL stillte med eit lag i 15/16 års klassa. Laget overraska alle med klar seier i heatet sitt, og enda til slutt på ein flott 3. plass. Enda ein medalje kunne dermed Dimnajengen ta  med heim til Ulsteinvik. Med på laget var desse. 1. etappe 100 m - Markus Lervik, 2. etappe 200 m - Henrik Overvåg, 3. etappe 300 m - Brage Dimmen og 4. etappe 400 m - Martin Haddal Sæther.

Henrik Overvåg tok GULL på 200 m under UM i Stangehallen søndag ettermiddag. Henrik hadde beste tida i forsøket, og tok teten frå start i finalen. Sjølv om det var jevnt ved utgangen av siste sving, viste Henrik at han er beste 200 m løparen i landet  i si klasse, og dro fra inn mot mål. Henrik fekk tida 23,88 i finalen.

 

Etter å ha slitt med magetrøbbel på 800 m slo Martin H. Sæther (16) til med sølv på 1500 m søndag ettermiddag. Martin var usikker på korleis kroppen ville fungere og starta derfor litt forsiktig. Men på den siste runda leita han fram sine spurtegenskapar, og med ein vanleg kanonspurt klarta han å sikre seg sølvmedaljen med tida 4.23,29.
7. plass til Brage Dimmen
Brage Dimmen fekk 7. plass på 1500 m med tida 4.52,46.

 

Sølv til Renate Grimstad i høgde og på 60 m til Henrik Overvåg vart medaljebeholdninga i Stangehallen laurdag.

Både Reneta og Henrik var nære seieren i sine øvingar, men hadde ikkje heilt marginane på sin side denne gangen. I tillegg til sølvmedaljen holdt Henrik si tid også til Sunnmørs aldersrekord.

Men vi hadde også mange andre i aksjon laurdag. Klikk på les meir for meir info.

Det blei ein knallstart på UM i Stangehallen fredag kveld. Renate Grimstad (17) slo til med sølv på 60 m hekk berre 2 hundredelar bak gullvinnaren.

Marthe Mjøen Berg kom seg også til finalen på 60 m hekk, og sikra seg ein sterk 4. plass.

 

Komande helg reiser 10 av Dimna IL sine utøvarar til Stangehallen for å delta i årets innadørs UM. Innandørs UM er NM for ungdom mellom 15 og 22 år. Heile 650 deltakarar er påmeldt, så det blir hard konkurranse om medaljane.

UM utandørs sist sommar vart ein stor suksess for Dimna IL med 5 medaljar. Innandørs har vi nok ikkje like store forventningar. Våre utøvarar har hatt lite konkurransar så langt i vinter, og treninga på enkelte tekniske øvingar får vi heller ikkje gjort heilt som vi ønskjer med dei innandørsfasilitetane vi har til rådvelde. Men vi har likevel tru på mange gode resultat. 

 

Karsten Warholm tok bestemannspremien for gutar under KM i Tingvoll søndag.  Dermed er friidrettssesongen 2009 i gang for fullt. KM i Tingvollhallen samla heile 120 deltakarar til start. Det blei dermed eit stort stemne som varte i nesten 6 timar. Dimna og Hareid stillte med til saman 15 utøvarar og markerte seg sterkt med mange medaljar og gode resultat. 

 

Vi har fått tilbud fra Kleven Verft om å vaske båt, det har vi sagt ja til og planen vår er at det blir kun denne båten vi vasker i år. Dugnaden blir frå 2. til 5. februar.

Dugnadar som dette er viktige for at vi skal få inn nok inntekter til å halde i gang den store aktiviteten vi har i laget. Vi håper derfor at flest mogeleg har høve å stille opp på denne dugnaden som økonominemdna organiserer. Sjå i vedlegget for meir informasjon, og kvar du kan melde deg på til dugnaden.

 

Det vart Joar Moldskred og Maria Ringstad som gjekk til topps i det 3. løpet i vinterkarusellen Grimstadvatnet Rundt laurdag. Etter at Martin Haddal Sæther hadde vunne dei to første løpa måtta han denne gangen sjå seg slått av Joar Moldskred. Dei holdt følgje det meste av løpet. Men mot slutten fekk Martin litt mageproblem, og Joar fekk då ei luke som han heldt helt heilt til mål. I dameklassa vart det nok seier til Maria Ringstad føre Aurora T. Midtflø.