Dimna nr. 2 i kretscupen
Kretscupen vart avslutta på Straumsnes denne helga. Som venta vart det seier til Tingvoll FIK i lagkampen. Vi klarte ikkje å mobilisere hele laget denne helga og kunne derfor ikkje forsvare leiinga etter første del som vart arrangert i juni.
Individuelt vart det likevel fleire gode plasseringar til lokale utøvarar. Ådne Andersen frå Hareid IL og Martin Haddal Sæther frå Dimna IL tok samanlagtsigrane i løpsøvingane for menn. Ådne var best i dei lange løpa frå 800 til 3000 m og tok ein klar samanlagtsigeren her.
I dei korte løpa frå 100 m til 400 m var det Martin som var best denne gangen. Han tok samanlagtsigeren føre Anders Vikestrand frå Ålesund og Henrik Overvåg frå Dimna. Henrik hadde leiinga etter første halvdel av cupen, men deltok ikkje på stemnet denne helga. Martin enda også som nummer 4 i langdistansecupen til tross for at han prioriterte dei korte løpa denne gangen.
Renate Grimstad kjempa om samanlagtsigeren i hopp. Det blei her ein spennande kamp mellom Renate og Heidi C. Aasen Nerland frå Eide IL. Heidi er den beste lengdehopparen av dei to, mens Renate er best i høgde. Med to lengdekonkurransar og kun ei høgdekonkurranse blei det dermed ein knapp siger til Heidi med eit poeng føre Renate.
Renate var også med i teten i sprintøvingane. Men var litt sjuk denne siste helga og stod over løpsøvingane. Dermed enda ho på 4. plass i sprintcupen.
I hoppcupen tok Iselin Grimstad Selvåg frå Hareid IL ein fin 3. plass i samandraget.
I dei lange løpa for kvinner blei det 3. plass i samandraget til Aurora Midtflø frå Hareid, mens Maria Ringstad, Dimna IL tok 4. plassen.
Sluttstillinga i lagkampen:
|
|
Sum etter |
|
Lag |
4 stemner |
|
Tingvoll FIL |
394 |
|
Dimna IL |
346 |
|
Ålesund FIK |
206 |
|
Eide IL |
203 |
|
Hareid IL |
185 |
|
Molde Olymp |
176 |
|
Midsund IL |
87 |
|
Velledalen IL |
40 |
|
Sunndal |
38 |
|
Ørsta IL |
37 |
|
Sykkylven IL |
28 |
|
Elnesvågen |
17 |
|
Valder |
14 |
